25689654174_c9c65314b9_k

Perezida Kagame na Magufuli batangije umuhango wo Kwibuka ku inshuro ya 22 ku rwgeo rw’igihugu

Posted in News

Perezida Kagame na mugenzi we wa Tanzaniya, Dr John Pombe Joseph Magufuli, w’igihugu cya Repubulika yunze ubumwe ya Tanzaniya, uyumunsi batangije umuhango wo kwibuka Jenoside yakorewe Abatusti ku rwego rw’igihugu bacana urumuri rutazima ku rwibusto rwa Jenoside rwa Kigali.

Umuhango wo kwibuka watangijwe n’abayobozi bakuru bigihugu byombi n’ imiryango yabo bashyira indabo ahashyinguye mu cyubahiro imibiri yabarenga 250,000 bishwe muri Jenoside yakorewe abatutsi. Perezida Kagame na Magufuli bakomeje bacana urumuri rutazima, nk’ikimenyetso cyo gukomera, icyizere no kwiyubaka bikomeje kuranga Abanyarwanda kuva aho Jenoside yakorewe Abatutsi ihagarikiwe.

Avuga ku insanganyamaysiko y’uyu mwaka, Dr Jean-Damascène Bizimana, Umunyamabanga nshingwabikorwa wa komisiyo igamije kurwanya Jenoside, yasabye abanyarwanda kwirinda no kurwanya ingengabitekerezo ya jenoside mu buzima bwabo bwa buri munsi.

“Kurwanya ingengabitekerezo ya jenoside birashoboka. Hano mu Rwanda, nibyo twahisemo, uyumunsi no mugihe cyizaza. Ni inshingano zacu twese – guverinoma, abaturage n’imiryango itegamiye kuri leta n’abikorera ku giti cyabo. Dukomeze gukomera mugihe twibuka kandi dukomeza kurwanya ingengabitekerezo mugihe twibuka ku nshuro ya 22 no mugihe kizaza,” Dr Bizimana.

Dr Bizimana, yaboneyeho umwanya wo gushimira guverinoma y’Ubudage n’ ibindi bihugu bikomeje kugeza imbere y’ubutabera abagize uruhare muri Jenoside, yakomeje anenga ibihugu bimwe na bimwe bikomeza kutagaragaza ubushake mu gukingira ikibaba abakoze jenoside.

Yakomeje agira ati “abarenga miliyoni imwe y’Abanyarwanda bishwe muri jenoside yakorewe Abatutsi, ni abantu twari tuzi, bose bari bafite amazina, kandi twari tukibakunze,” Dr Bizimana.

Nyuma y’umuhango wo gutangiza icyunamo ku rwego rw’igihugu, Perezida Magufuli n’umufasha we Janet Magufuli basuye ibice bigize uru rwibutso, bakaba bari baherekejwe na Perezida Kagame n’Umufasha we Jeannette Kagame na Ange Kagame. Ukaba warabaye umwanya mwiza kuri Perezida Magufuli wo gusobanukirwa amateka kuri Jenoside yakorewe Abatutsi mu Rwanda mu mwaka 1994.

“Amateka y’u Rwanda yadusigiye isomo rikomeye ku isi buri wese akwiye kwigiraho. Ndasengera abishwe muri jenoside, abayirokotse n’abanyarwanda muri rusange. Ntidushobora guhindura amateka, ariko dushobora kugira icyo dukora uyumunsi n’ejo hazaza kugirango ijambo “ntibizongere kuba ukundi” ribe impamo,” Ubu butumwa akaba ari ubwo Perezida Magufuli yatangaje nyuma yo gusinya mu gitabo cy’abashyitsi.

Umuhango wo kwibuka ku inshuro ya 22, uzakomeza kubera mu bice bitandukanye bigize u Rwanda mu gihe cy’amezi agera kuri atatu, urwibusto rwa Kigali rukazakomeza kwakira ibikorwa bitandukanye bijyanye no kwibuka. Ushaka gukurirana amakuru yibibera ku rwibutso, yadukurikira kuri Twitter na Instagram akoresheje @kigali_memorial.

Ugira ngo umenye byinshi kuri gahunda yo Kwibuka ku nshuro ya 22, wasura urubuga rwacu Kwibuka website cyangwa ukadukurikira kuri Twitter @KwibukaRwanda.

Latest Articles

news-placeholder-image

4 weeks ago

Yahaya Nsengiyumva – a hero who risked his life to save others during Genocide against the Tutsi

53133187123_61bddb265c_o

4 months ago

Israel’s Ambassador-designate pays tribute to victims of the Genocide against the Tutsi

news-placeholder-image

4 months ago

Dallaire returns to Kigali Genocide Memorial

news-placeholder-image

4 months ago

Madagascar President honours victims of the Genocide against the Tutsi

news-placeholder-image

5 months ago

President Denis Sassou Nguesso of the Republic of the Congo visits the Kigali Genocide Memorial 

news-placeholder-image

5 months ago

Kevin Hart visits the Kigali Genocide Memorial 

news-placeholder-image

5 months ago

Hon. J. Uduch Sengebau Senior, Vice President and Minister of Justice of the Republic of Palau visits Kigali Genocide Memorial 

news-placeholder-image

5 months ago

Robinah Nabbanja, Prime Minister of Uganda pays tribute to victims of the Genocide against the Tutsi 

Keep Reading

Related Articles

Kim Simon – formerly Managing Director of the USC Shoah Foundation – has passed away following a battle with Multiple System Atrophy, a rare degenerative disease.
A three-day Youth Champions workshop on Peace and Values Education was held by Aegis at the Kigali Genocide Memorial
Jo Ingabire’s BAFTA-nominated short BAZIGAGA is a fictional drama about a pastor and his daughter seeking refuge with a traditional healer during the Genocide against the Tutsi.